ថ្ងៃព្រហស្បត៍ ៩រោច ខែមាឃ ឆ្នាំច សំរឹទ្ធិស័ក ព.ស២៥៦២ ត្រូវនឹងថ្ងៃទី២៨ ខែកុម្ភៈ ឆ្នាំ២០១៩
លោក កាតំម សូណាវណ្ណ អនុប្រធានមន្ទីរកសិកម្ម រុក្ខាប្រមាញ់ និងនេសាទខេត្តកំពង់ចាម ចូលរួមពិធីប្រកាសតែងតាំងចូលកាន់មុខតំណែងអភិបាលនៃគណៈអភិបាលស្រុកកោះសូទិន ក្រោមអធិបតីភាព ឯកឧត្តម គួច ចំរើន អភិបាល នៃគណៈអភិបាលខេត្តកំពង់ចាម ពិធីប្រកាសនេះត្រូវបានតែងតាំង
លោក យី វណ្ណៈ ជាអភិបាលរងស្រុកកំពង់សៀម ត្រូវបានប្រកាសតែងតាំងជាអភិបាលនៃគណៈអភិបាលស្រុកកោះសូទិន ជំនួសលោក ផេន សុផល ដែលត្រូវផ្ទេរភារកិច្ចទៅកាន់មុខតំណែងជាអភិបាលស្រុកបាធាយវិញ។
ឯកឧត្តម គួច ចំរើន អភិបាលខេត្តកំពង់ចាម បានជម្រុញឲ្យអាជ្ញាធរ និងជាពិសេសលោកអភិបាលស្រុកទើបតែឡើងថ្មី ពីរចំនុចរួមមាន៖ ទី១ ត្រូវពង្រឹងសុវត្ថិភាព សណ្តាប់ធ្នាប់ តាមក្នុងឃុំទាំងអស់ក្នុងស្រុកកោះសូទិន ធ្វើយ៉ាងណាអនុវត្តន៍គោលនយោបាយរបស់រាជរដ្ឋាភិបាល ឲ្យតាមភូមិឃុំមានសុវត្ថិភាព ក្រោមដំបូងសុខសន្តិភាព សុវត្ថិភាព ជូនបងប្អូនប្រជាពលរដ្ឋ។
ចំនុចទី២ ឯកឧត្តមអភិបាលខេត្តបានជម្រុញ និងស្នើរដល់លោកអភិបាលស្រុកកោះសូទិន ថ្មី ត្រូវធ្វើយ៉ាងណាដឹកនាំមន្ត្រីរាជការខិតខំបម្រើសេវាសាធារណ:ដល់ប្រជាពលរដ្ឋតាមមូលដ្ឋានឲ្យមានប្រសិទ្ធិភាព តាមតម្រូវការចាំបាច់របស់បងប្អូនប្រជាពលរដ្ឋមានភាពល្អប្រសើរឡើង៕
រក្សាសិទិ្ធគ្រប់យ៉ាងដោយ ក្រសួងកសិកម្ម រុក្ខាប្រមាញ់ និងនេសាទ
រៀបចំដោយ មជ្ឈមណ្ឌលព័ត៌មាន និងឯកសារកសិកម្ម