ថ្ងៃសុក្រ ១០រោច ខែមាឃ ឆ្នាំច សំរឹទ្ធិស័ក ព.ស២៥៦២ ត្រូវនឹងថ្ងៃទី០១ ខែមីនា ឆ្នាំ២០១៩ លោក ស៊ឹម ថាវីរៈ បានចូលរួមពិធីប្រកាសផ្ទេរតំណែងអភិបាលនៃគណៈអភិបាលស្រុកបាធាយ ខេត្តកំពង់ចាម ក្រោមអធិបតីភាពឯកឧត្តម​ខ្លូត​ ផន​ ប្រធានក្រុមប្រឹក្សា​ខេត្ត​ ឯកឧត្ដម​ គួច ចំរើន អភិបាលខេត្តកំពង់ចាម អមដំណើរដោយឯកឧត្តម អភិបាលរងខេត្ត ប្រធាន អនុប្រធានមន្ទីរ ជុំវិញខេត្ត ឯកឧត្ដម​ គួច​ ចំរើន​ អភិបាលខេត្តកំពង់ចាម​បានលើកឡើងថា​ ក្នុងនាមជាអាជ្ញាធរ​ ត្រូវបន្តពង្រឹងនូវការចុះផ្តល់សេវាសាធារណ:ជូនបងប្អូនប្រជាពលរដ្ឋឲ្យកាន់តែល្អប្រសើរឡើង​ និងចូលរួមថែរក្សាទ្រព្យសម្បត្តិធម្មជាតិ​ ដូចជា​ បឹងបួរ​ ទំបន់ទឹក​ មេទឹក​ ជាដេីម​ ទុកសម្រាប់បងប្អូនប្រជាពលរដ្ឋធ្វើស្រែចំការ​។ ហើយ​ ឯកឧត្ដម​អភិបាលខេត្តបានអំពាវនាវដល់ប្រជាពលរដ្ឋកុំបន្តសាងសង់​ សំណង់អគារ​ លំនៅឋាន​ ក្រោមខ្សែបណ្តាញអគ្គិសនី​ ដើម្បីជៀសវាងគ្រោះថ្នាក់ណាមួយកើតឡើងពីចរន្តអគ្គិសនីផងដែរ។