ថ្ងៃចន្ទ ៨កើត ខែបុស្ស ឆ្នាំរោង ឆស័ក ព.ស២៥៦៨ ត្រូវនឹងថ្ងៃទី៦ ខែមករា ឆ្នាំ២០២៥
ខណ្ឌរដ្ឋបាលជលផលកំពង់ចាម សហការជាមួយ អធិការដ្ឋានរដ្ឋបាលជលផលមេគង្គ អាជ្ញាធរស្រុកកំពង់សៀម អាជ្ញាធរឃុំរអាង កម្លាំងប៉ុស្តិ៍នគរបាលរដ្ឋបាលរអាង ដោយមានការសម្របសម្រួលពីឯកឧត្តម វង្ស ប៊ុនវិសុទ្ធ ព្រះរាជអាជ្ញានៃអយ្យការអមសាលាដំបូងខេត្តកំពង់ចាម បានចុះត្រួតពិនិត្យទីតាំងជួសជុលម៉ាញ៉េ ទូរទស្សន៍០១កន្លែង ស្ថិតនៅចំណុចភូមិរអាងលើ ឃុំរអាង ស្រុកកំពង់សៀម ខេត្តកំពង់ចាម។ ក្នុងករណីខាងលើនេះក្រុមកម្លាំងចម្រុះបានរកឃើញវត្ថុតាងបទល្មើសរួមមាន៖
-អាំងវែទ័រឆក់ត្រី២គ្រឿង(ល្អ១ ខូច១)
-គម្របប្រអប់ដេរា ចំនួន ៥គ្រឿង
-លួសស្ពាន់ចំនួន២ដុំ
-ដុំភ្លើងចំនួន ១ដុំ
-គ្រាប់ដេរាសម្រាប់រំដុំភ្លើងចំនួន ១,៧គ.ក្រ
ម្ចាស់ទីតាំងខាងលើជាងជាងជួសជុលម៉ាញ៉េ ទូរទស្សន៍ ឈ្មោះ ឡុង ស្រ៊ីម ភេទប្រុស អាយុ៧៧ឆ្នាំ រស់នៅភូមិរអាងលើ ឃុំរអាង ស្រុកកំពង់សៀម ខេត្តកំពង់ចាម ។ ក្រោយពីធ្វើការសាកសួរ ជនខាងលើ មានជម្ងឺលើសឈាម ជម្ងឺទឹកនោមផ្អែម ចាស់ជរា នៅផ្ទះម្នាក់ឯង ។ សមត្ថកិច្ច្ចបានធ្វើកិច្ចសន្យាជនខាងលើឈប់ប្រព្រឹត្តបទល្មើសនេះ និងបានដកហូតតែវត្ថុតាងខាងលើមករក្សាទុក។
រក្សាសិទិ្ធគ្រប់យ៉ាងដោយ ក្រសួងកសិកម្ម រុក្ខាប្រមាញ់ និងនេសាទ
រៀបចំដោយ មជ្ឈមណ្ឌលព័ត៌មាន និងឯកសារកសិកម្ម