នារសៀលថ្ងៃទី២០ ខែមករា ឆ្នាំ២០២៥ ឯកឧត្តម អ៊ុង សំអាត រដ្ឋលេខាធិការក្រសួងកសិកម្ម និងនេសាទ អញ្ជើញជាធិបតីជួបសំណេះសំណាលជាមួយថ្នាក់ដឹកនាំមន្ទីរកសិកម្ម រុក្ខាប្រមាញ់ និងនេសាទខេត្តកំពង់ចាម នៅសាលប្រជុំធំមន្ទីរកសិកម្ម រុក្ខាប្រមាញ់ និងនេសាទខេត្តកំពង់ចាម។ ក្នុងជំនួបសំណេះសំណាលនេះ ឯកឧត្តមរដ្ឋលេខាធិការ បានលើកឡើងពីតម្លៃទីផ្សារស្រូវរបស់ប្រជាកសិករនៅមូលដ្ឋានក្នុងខេត្តកំពង់ចាម ការបកស្រាយពីតម្លៃស្រូវខាតក្នុងន័យចំណេញ និងការផ្សព្វផ្សាយពីសហគមន៍កសិកម្មទំនើប។ លើសពីនេះ ឯកឧត្តមរដ្ឋលេខាធិការ បានលើកទឹកចិត្តដល់មន្រ្តីការិយាល័យនីតិកសិកម្ម និងមន្រ្តីការិយាល័យផលិតកម្ម និងបសុព្យាបាល ឲ្យចុះអនុវត្តន៍តាមនីតិវិធីបទដ្ឋានកតិយុត្តឲ្យបានត្រឹមត្រូវ និងមានការកំណត់ពេលវេលាសម្រាប់ចុះអនុវត្តន៍ដោយមានវត្តមានឯកឧត្ដម និងក្រុមការងារចូលរួមផងដែរ។ កិច្ចប្រជុំនេះ ក៏មានការអញ្ជើញចូលរួមផងដែរពីសំណាក់លោកប្រធាន លោក លោកស្រីអនុប្រធាន មន្ទីរ លោកនាយ នាយរងខណ្ឌ រដ្ឋបាលទាំងពីរ លោក លោកស្រីប្រធាន អនុប្រធានការិយាល័យទាំង១០ ចំណុះឲ្យមន្ទីរកសិកម្ម រុក្ខាប្រមាញ់ និងនេសាទខេត្តកំពង់ចាម