ថ្ងៃអង្គារ ៧កើត ខែមាឃ ឆ្នាំរោង ឆស័ក ព.ស២៥៦៨ ត្រូវនឹងថ្ងៃទី៤ ខែកុម្ភៈ ឆ្នាំ២០២៥

ខណ្ឌរដ្ឋបាលជលផលកំពង់ចាម បានចូលរួមកិច្ចប្រជុំពិភាក្សាលើកកិច្ចការដើម្បីអនុវត្តវិធានការទប់ស្កាត់ការទន្ទ្រានព្រៃលិចទឹក និងការរំលោភយកដីក្នុងមេទឹកទំនប់ចាស់ ក្រោមអធិបតីភាពលោក ជា សីលា នាយករងរដ្ឋបាលសាលាខេត្តកំពង់ចាម នៅសាប្រជុំសាលាស្រុកបាធាយ។ ក្រោយពីកិច្ចប្រជុំក្រុមការងារចម្រុះបានចុះត្រួតពិនិត្យដីមេទឹកទំនប់ចាស់ ស្ថិតនៅភូមិទួលចាន់ ឃុំច្បារអំពៅ ស្រុកបាធាយ ខេត្តកំពង់ចាម ដោយអនុវត្តវិធានការដូចខាងក្រោម៖
-ក្រុមការងារបានប្រើប្រាស់គ្រឿងចក្រ អេស្តាវ៉ាទ័ត ចំនួន០១គ្រឿង ដើម្បីការកាយព័ទ្ធព្រំទៅតាមផែនទីផ្ទៃដីមេទឹកទំនប់ចាស់ ទំហំ ៩៣,៤២២ម៉ែត្រការ៉េ ដែលមានលេខនិយាមកា X.Y ចំនួន ៤០ចំណុច។
-ការកាយព្រាត់ព្រំទៅតាមផែនទីនៃផ្ទៃដីមេទឹកដូចខាងលើមានការតវ៉ាពីប្រជាពលរដ្ឋចំនួន ២ គ្រួសារ(ឈ្មោះ ឈូក ថន និង ឆាយ សារ៉ា) ដោយគាត់ថាការកាយព័ទ្ធព្រំនេះបានចូលផ្ទៃដីរបស់ពួកគាត់ដែលកំពុងអាស្រ័យផល ស្រែប្រាំង។
-កិច្ចការងារនេះក្រុមការងារបានឯកភាពប្រគល់ជូនរដ្ឋបាលស្រុកបាធាយ ធ្វើការសម្របសម្រួលដោះស្រាយឲ្យបានឆាប់រហ័ស។
-ក្រុមការងារបានឯកភាពប្រគល់ភារកិច្ចជូនមន្ទីរធនធានទឹក និងឧតុនិយម ខេត្តកំពង់ចាមរៀបចំនីតិវិធីបង្កើតជាសហគមន៍ប្រើប្រាស់ទឹកនៃមេទឹកទំនប់ចាស់ត្រឹមកម្រិតថ្នាក់ខេត្ត។