ថ្ងៃព្រហស្បតិ៍ ៩កើត ខែមាឃ ឆ្នាំរោង ឆស័ក ព.ស២៥៦៨ ត្រូវនឹងថ្ងៃទី៦ ខែកុម្ភៈ ឆ្នាំ២០២៥

លោក ហ៊ុន ចាន់ថន  ប្រធានការិយាល័យនីតិកម្មកសិកម្មខេត្តកំពង់ចាម បានដឹកនាំសហការី  ចុះអធិការកិច្ចដេប៉ូលក់ថ្នាំកសិកម្ម និងជីកសិកម្មនៅស្រុកបាធាយ ខេត្តកំពង់ចាម បានធ្វើបច្ចុប្បន្នភាពដេប៉ូដែលនៅប្រកបអាជីវកម្មលក់ដូរ ព្រមទាំងបានណែនាំផ្ទាល់មាត់ដល់អាជីវករលក់ថ្នាំកសិកម្ម និងជីកសិកម្មរួមមាន ៖
-បានណែនាំម្ចាស់ដេប៉ូមុននឹងទទួលយកថ្នាំកសិកម្ម និងជីកសិកម្មពីក្រុមហ៊ុនណាមួយមកដាក់លក់ត្រូវពិនិត្យមើលបញ្ជិកា សុពលភាព ប្រើប្រាស់ឲ្យបានត្រឹមត្រូវដើម្បីការពារបាននូវផលប្រយោជន៍ទាំងអ្នកលក់ និងអ្នកប្រើប្រាស់។ 
-បានណែនាំដេប៉ូឲ្យជួយផ្សព្វផ្សាយប្រកាសអន្តរក្រសួងស្តីពីវិធានសុវត្ថិភាពក្នុងការប្រើប្រាស់ ការបោះចោលសំណល់ និងសំបកវេចខ្ចប់ថ្នាំកសិកម្ម និងជីកសិកម្មដល់កសិករយកប្រើប្រាស់។
-បានណែនាំដេប៉ូ ពីវិធានការសុវត្ថិភាព របៀបតាំងលក់ ទុកដាក់ថ្នាំកសិកម្ម និងជីកសិកម្មឲ្យបានត្រឹមត្រូវ។
- ជាលទ្ធផលបានចំនួន២០ដេប៉ូ(ពុំមានបទល្មើសទេ)។